باحب البحر والنورس
باحب البحر والنورس
ورفة موجة ع الشطين
وشق البحر للمركب
واحب المد جاي هناك
وبافرح لما ابص بعيد
والاقي الشمس محدوفة
على الضلة وسواقي الريح
بتتخبى ف شماسي الناس
وتغمز للسحابة تنام
وتاخد بعضها و تغرب
وباعشق ف الصبايا "مصر"
ولا قبلك ولا بعدك
ومهما أغضب و اقول:" ماشية"
باموت فيكي
كده "شروة"
باحبك آه موافقاكي
واحبك موت وانا "باشجب"
بروفسير منال الشربيني مصر 🇪🇬
1 تعليقات
لوحة فنية رائعة بوصوف فيها من روحك..
ردحذفواتخيلتك نورسة واقفة على شط البحر ..بتبعت رسالة وتستنى تانية.. وتوشوش الموج وتفضفضله ..وتحكي حكاوي الصبايا وبالليل تسهروا تحت السهراية..
ومصر هي اللي في القلب ولو زعلنا منها او ضاقت بينا الحال فيها..نعود و نصفى ولا ابدا تهون علينا.. أنت سيدة الحرف ووصفك فيه نفحة من روحك..البيان خادم ملك يمينك والوصوف صدقات توزع لتشبع كل محروم من زاد يمري...تحياتي